🎥 Ciclo Mestre Mateo en Mouriscados

09/10/2026

🎞️ Prepara as palomitas porque este venres 9 de outubro, ás 20:00 horas, a Casa Cultural de Mouriscados convértese nunha auténtica sala de cine para proxectar a aclamada película As Liñas Descontinuas, dentro da programación do Ciclo Mestre Mateo 2026.

O Ciclo Mestre Mateo 2026 é unha iniciativa impulsada pola Academia Galega do Audiovisual (coa colaboración de institucións como a Deputación de Pontevedra e concellos coma o de Mondariz) que ten como gran obxectivo achegar o mellor cine galego actual a todos os recunchos, democratizando o acceso á cultura e poñendo en valor o talento das nosas creadoras e creadores.

Neste ciclo proxéctanse algunhas das obras máis destacadas do panorama audiovisual galego, como o aclamado longametraxe de ficción As Liñas Descontinuas (dirixido por Anxos Fazáns), unha historia emotiva sobre a transformación persoal, a mocidade e a madurez que non deixa a ninguén indiferente.

E atención, porque esta é tan só a primeira parada: en vindeiras datas, este ciclo de proxeccións itinerantes achegarase a todas as parroquias do concello, garantindo que a cultura e o mellor audiovisual estean ao alcance de todo o veciñado sen excepción.

Fuente: Concello de Mondariz