Monólogo de Arantxa Treus "𝑺𝒆𝒙𝒐 𝒅é𝒃𝒊𝒍, 𝒐 𝒄𝒂𝒓𝒂𝒍𝒍𝒐".

06/11/2024

🎙 O Concello de Mondariz, dentro do seu programa de actividades ao que denominou "Mondariz con M de Muller", para conmemorar o 𝟐𝟓𝐍 𝐃𝐈𝐀 𝐈𝐍𝐓𝐄𝐑𝐍𝐀𝐂𝐈𝐎𝐍𝐀𝐋 𝐃𝐀 𝐄𝐋𝐈𝐌𝐈𝐍𝐀𝐂𝐈𝐎𝐍 𝐃𝐀 𝐕𝐈𝐎𝐋𝐄𝐍𝐂𝐈𝐀 𝐂𝐎𝐍𝐓𝐑𝐀 𝐀 𝐌𝐔𝐋𝐋𝐄𝐑 ofrece este sábado día 9 de novembro ás 21:00 horas no Auditorio Municipal o monólogo de Arantxa Treus "𝑺𝒆𝒙𝒐 𝒅é𝒃𝒊𝒍, 𝒐 𝒄𝒂𝒓𝒂𝒍𝒍𝒐".

Arantxa Treus non ten pelos na lingua. Neste divertido monólogo mostrará a súa faceta máis cómica narrando algunhas vivencias, anécdotas e miserias da súa propia vida e das alleas, deixando claro como ser muller e non morrer no intento. Un show de comedia na que se abordan cuestións como a sexualidade feminina, as relacións de parella, ou as esixencias estéticas que sofren as mulleres. Só apto para homes e mulleres que desexen rir a gargalladas.

Arantxa Treus é unha actriz galega e natural de Vigo. Arantxa é unha artista versátil como o mostran as súas numerosas participacións e invitacións a participar en cada vez máis proxectos de diversos xéneros. Teatro, cinema e televisión son as diferentes disciplinas que Arantxa desenvolve no seu traballo como actriz. Coñecida pola súa participación en programas de TV e series como “Serramoura”, “Fariña” ou “Gondar”.

Se queres gozar dun espectáculo moi divertido onde non pararás de rir, tes unha cita no Auditorio Municipal de Mondariz este sábado 9 de novembro a partir das 21.00 horas.

Fuente: Omix Mondariz