📍 XXXVII Feira dos Oficios Artesáns de Mondariz

31/07/2026

💠 Os días 1 e 2 de agosto, a Praza de Mondariz volverá encherse de artesanía, música, tradición e gastronomía nunha nova edición da Feira dos Oficios Artesáns.

Durante toda a fin de semana haberá postos de produtos artesáns e gastronómicos, demostracións de oficios, obradoiros participativos de cestería de vimbio e actuacións de grupos tradicionais.

O sábado contará co pregón de Alejandro Muelle Martínez e co concerto de Fransy González e Davide Salvado. O domingo celebrarase tamén a III Festa da Paparota, o concerto de Balteira e unha nova edición do Día da Muiñeira.

📅 1 e 2 de agosto

📍 Praza de Mondariz

Dous días para gozar da nosa cultura, dos oficios de sempre e da tradición compartida.

Fuente: Concello de Mondariz