💞🎶 XXX Serán dos Namorados 2026

22/01/2026

📅 14 de febreiro de 2026 | Toutón

Toutón volverá latexar coa forza da tradición no XXX Serán dos Namorados, unha cita única coa música, a memoria e o encontro arredor da nosa cultura popular.

Un día para honrar ás pandeireteiras que abriron camiño, para recoñecer o traballo colectivo de xeracións enteiras e para celebrar, xuntas e xuntos, unha das manifestacións máis vivas da identidade galega.

Este ano, o Serán segue medrando coa implicación do tecido social e cultural da parroquia, coa colaboración e organización do Concello de Mondariz, reafirmando o compromiso co patrimonio inmaterial e coas tradicións que nos definen como pobo.

Misa, homenaxes, comida popular, corrida do galo, música tradicional e un gran serán final farán de Toutón, un ano máis, un lugar de encontro, respecto e celebración compartida.

🎶 O máis grande do mundo, porque nace da xente.

Fuente: Concello de Mondariz