🏦 Mondariz avanza cara ao selo de Mercado Excelente

02/12/2025

🔹 O Concello de Mondariz participou nas Xornadas de Mercados Excelentes celebradas en Santiago de Compostela, organizadas pola Xunta de Galicia e nas que tamén estivo presente o conselleiro.

Durante o encontro analizáronse as posibilidades de que Mondariz pase a formar parte do selecto grupo de Mercados Excelentes de Galicia, un recoñecemento ao cal o noso concello está moi encarrilado grazas ao traballo realizado e ao potencial da nosa Praza de Abastos, dos seus postos e do noso modelo de mercado de proximidade.

Adoptaranse diversas medidas e liñas de mellora para poder optar oficialmente a este distintivo, que hoxe só teñen 5 mercados en toda Galicia.