🚴‍♂️🚴 O pumptrack de Mondariz

27/08/2025

🚴‍♀️💨 O pumptrack de Mondariz volveu ser protagonista!
O Club Pontebike Team desprazouse ata a nosa vila para celebrar unha xornada de portas abertas no marco do Campaverán Mondariz, onde nenos e nenas puideron probar de primeira man esta espectacular modalidade de ciclismo.
💙 En Mondariz contamos cun dos mellores pumptracks de Galicia, inaugurado hai máis de 4 anos grazas á aposta do Concello. A día de hoxe hai máis de 20 en toda a comunidade… pero o noso segue sendo referencia entre os riders! Proba delo é que acolleu durante dous anos seguidos unha proba da Copa de España Pumptrack, ademais de campionatos galegos.
🏆 Na exhibición participaron corredoras/es de primeiro nivel:
– Arón Porto, rider local
– Raúl Romero, Subcampión da Copa de España 2024
– Alba Fernández, Campioa de España 2024 e 2025, clasificada para o Mundial en Suíza o 5 de setembro
– Ainoa Posada, Campioa de España 2024 e 2025, e recentemente coroada Campioa do Mundo Pumptrack 2025 en Suecia
👏 Grazas a todas e todos por achegar este deporte á mocidade e por seguir poñendo a Mondariz no mapa do pumptrack a nivel internacional.

Fuente: Concello de Mondariz