𝐂𝐞𝐥𝐞𝐛𝐫𝐚𝐜𝐢𝐨𝐧 𝐝𝐨 𝐃í𝐚 𝐝𝐞 𝐆𝐚𝐥𝐢𝐜𝐢𝐚 𝐞𝐧 𝐌𝐨𝐧𝐝𝐚𝐫𝐢𝐳! 💙

22/07/2025

O próximo venres 25 de xullo, Mondariz celebrará o día de Galiza co acto da "𝑹𝒆𝒆𝒅𝒊𝒄𝒊𝒐𝒏 𝒅𝒐 𝒍𝒊𝒃𝒓𝒐 𝑴𝒖𝒍𝒍𝒆𝒓𝒆𝒔 𝒅𝒆 𝑮𝒂𝒓𝒈𝒂𝒎𝒂𝒍𝒂. 𝑪𝒂𝒏𝒕𝒂𝒓𝒆𝒔 𝒅𝒆 𝒕𝒓𝒂𝒅𝒊𝒄𝒊𝒐𝒏 𝒐𝒓𝒂𝒍" da etnomusicóloga Xulia Feixoo e o floclorista Guillerme Inácio Costa publicado no ano 2017, adicado ás músicas de tradición oral da parroquia de Gharghamala. A través dun profundo traballo etnográfico, o libro recolle en audio 44 cantares transmitidos de xeración en xeración, así como a urdime cultural na que estes eran interpretados, na voz das nosas protagonistas.

Oito anos despois, celebramos a súa reedición como unha oportunidade para poñer en valor este patrimonio inmaterial e agradecer, unha vez máis, a xenerosidade das mulleres que o fixeron posible. A reedición do libro convida a botar a vista atrás e lembrar o camiño compartido: a emoción das presentacións, os encontros musicais, o recoñecemento e a complicidade xerada entre veciñanza, investigadoras e lectoras.

A xornada comezará coa charla "Revisitando as mestras: oito anos de mulleres de Gharghamala" a cargo dos autores e a continuación o ambiente encherase de ritmo e tradición coa actuación das "Pandeireteiras de Gargamala".

Este evento no Día de Galicia é unha invitación aberta a veciños e visitantes de Mondariz para unirse a esta celebración que aúna memoria, cultura e tradición.

Non o perdas!

Venres 25 de xullo

20:00 h. Charla "Revisitando as mestras: oito anos de mulleres de Gharghamala".

21:00 h. Actuación "Pandeireteiras de Gargamala".

Auditorio Municipal

Fuente: Omix Mondariz