⚽️ HISTÓRICO ASCENSO DO MONDARIZ F.C. XUVENIL! 💙

29/05/2025

⚽ O pasado sábado vivimos unha desas xornadas que quedarán gravadas na historia do noso deporte local. O equipo xuvenil do Mondariz F.C. demostrou que os soños se loitan ata o final… E consíguense!

Despois de caer 4-0 no partido de ida, todo parecía perdido. Pero este equipo non se rende. No derradeiro partido de liga, na casa, comezaron perdendo 0-1… e aínda así, creron. E fixeron crer a todo Mondariz.

Chegaron a remontar cun impresionante 5-1, forzando a prórroga… E finalmente, a tan sufrida tanda de penaltis. E foi aí onde se fixo realidade: ¡Ascenso acadado!

Grazas a todo o equipo técnico e xogadores polo esforzo, pola paixón e pola entrega durante toda a tempada. Grazas tamén a esa afección que nunca falla, que anima nas boas e nas malas, e que empuxou ao equipo cara a gloria.

Hoxe Mondariz está orgulloso de vós. Porque o que fixestes é máis ca fútbol. É exemplo, é unión, é corazón.

PARABÉNS MONDARIZ F.C. XUVENIL!!

Este soño é voso… e de todo o pobo!

Fuente: Concello de Mondariz