🎭Obradoiro de Teatro Comunitario “Sobroso”!

25/04/2025

🎭 Este domingo 27 de abril ás 20:00 h, o Auditorio Municipal de Mondariz acolle a representación do Obradoiro de Teatro Comunitario “Sobroso”!

Un espectáculo cheo de humor, lembranzas e historias cotiás construídas polas nove persoas participantes no obradoiro de Vilasobroso, que se implicaron dende o mes de setembro nesta aventura teatral organizada polo Concello e guiada polo artista local Giovanni Peixoto.

Entre contos, liortas, viaxes, agasallos “especiais” e algún que outro pao polo lombo, a xentiña deste lugar dará vida a un espectáculo entrañable e moi noso.

Entrada con sistema de entrada inversa:

non hai prezo fixo, ti decides ao final canto queres ou podes achegar. A túa colaboración axuda a que o teatro comunitario siga vivo en Mondariz.

Se queres rir, emocionarte e recoñecer anacos do teu día a día enriba do escenario… non faltes!

Agardámoste co corazón aberto e moitas historias que compartir.

Fuente: Concello de Mondariz