📚✨ Presentación da novela “O Clan das Barbies” con @yanezantia

09/04/2025

📚 Sábado 12 de abril ás 20:00 h na Biblioteca Municipal de Mondariz.

O Concello de Mondariz convida á veciñanza a un encontro literario moi especial coa autora @yanezantia, que presentará a súa última novela publicada por Xerais: O Clan das Barbies.

Unha historia de furia, sororidade e supervivencia, onde tres vidas rotas se cruzan nunha clínica de fertilidade e tecen un clan disposto a loitar contra o que lles foi imposto. Un relato cheo de emoción, crítica e forza.

Durante a presentación, a autora falará da orixe da obra, o seu proceso creativo e a súa experiencia como escritora en lingua galega. O público poderá participar nun coloquio posterior e levar un marcapáxinas conmemorativo da novela.

Haberá exemplares á venda no evento.

Actividade dirixida a público adulto (+14 anos).

Unha oportunidade para achegarse á literatura galega, coñecer a @yanezantia en persoa e compartir unha tarde de lectura e reflexión colectiva.

Entrada libre ata completar aforo.

Fuente: Concello de Mondariz