📢 Mondariz solicita melloras viarias, acondicionamento do acceso ao cemiterio e accións en vivenda pública 🚧🏡 + NOVO PARQUE CASTELAO 🌳

24/03/2025

🛣️O alcalde de Mondariz, Pablo Barcia, trasladou á Xunta de Galicia diversas demandas para mellorar as infraestruturas do municipio, nun encontro coa conselleira de Infraestruturas, María Martínez Allegue. Agradeceu a súa predisposición para estudar estas necesidades en breve prazo e confiou en que pronto haberá boas noticias para Mondariz.

Melloras na estrada PO-252 Mondariz-Moscoso
Arranxo da curva de Lougares, con caída de talude.
Mellora da ponte entre Val e Riofrío para unha mobilidade máis segura.
Ensanchamento de curvas e reposición do firme, deteriorado polas escorrentías.

Acondicionamento do acceso ao cemiterio municipal
Solicitude dun Plan Hurbe para mellorar a subida ao cemiterio e crear prazas de aparcamento.

Accións en vivenda pública
O alcalde interesouse nas liñas de axuda para favorecer o acceso á vivenda no casco urbano de Mondariz, tanto para veciños como para novos residentes.

Novo Parque Castelao na Carballeira fronte ao Cemiterio
Mondariz contará cun novo espazo verde e de lecer para todas as idades, co obxectivo de recuperar e poñer en valor a carballeira situada fronte ao cemiterio municipal. Este novo parque será un punto de encontro para a veciñanza e un espazo natural para o descanso e o desfrute.

Seguiremos traballando para mellorar Mondariz e facer do noso concello un lugar máis seguro, accesible e habitable!

Fuente: Concello de Mondariz