O Concello de Mondariz pon ao día os pagos e documentación dos postos ambulantes da feira dos domingos

03/04/2024

✔ Logo dun intenso traballo de inspección e organización, o goberno do Concello de Mondariz pon ao día a meirande parte da documentación e pagos das taxas por venda ambulante na feira dos domingos. Segundo explica a alcaldesa en funcións, Elena Naveira, co obxectivo de facer cumprir a ordenanza reguladora o goberno local púxose en contacto de xeito individual e grupal coas e cos vendedores do mercadiño para actualizar os expedientes e implantar melloras de cara a conseguir unha feira más ordenada e atractiva para as e os visitantes.

Fuente: Concello de Mondariz