Entroido Mondariz 2022

27/01/2022

Se a situación epidemiolóxica se mantén controlada e estable, o Concello de Mondariz recuperará este ano o seu Entroido da man da Asociación Veciños Xabriña, como era habitual antes da pandemia, o día 27 de febreiro, domingo.

Nestes días serán publicadas as bases do concurso de disfraces, mais a data límite para inscribirse xa está decidida: 18 de febreiro. O Entroido está na memoria da veciñanza porque supón tempo de traballo en equipo para idear un disfrace e formar unha comparsa, creatividade, humor, risa e troula compartida. Desde o Concello de Mondariz animamos á veciñanza a participar, especialmente ás diferentes asociación de veciños/as.

Fuente: Concello de Mondariz